Зодрӯз муборак Ба Дӯст

Рафиқи муҳтарам, дӯсти гиромӣ, Сазовори сипосу эҳтиромӣ. Муборак бошадат рӯзи таваллуд, Суруру ҷашни пирузи таваллуд!

Чу Саъдӣ пир гардӣ, кам набинӣ, Чу Ҳофиз шод бошӣ, ғам набинӣ. Чу Ҷомӣ оқилу фархунда бошӣ, Чу Сино дар дилу дар дида бошӣ.

Ҳамеша шодмону хушнаво бош, Барои дӯстон обу ҳаво бош. Бихоҳем сарбаландӣ байни ёрон, Ба умри сад ба мо ҳамчун даво бош.

Эй дӯсти азиз ҷашни зодрӯз муборак, Ин рӯзи хуҷаставу дилафрӯз муборак.

Зодрӯз муборак, дӯстам! Бароят сиҳатию саломатӣ, умри дарозу ризқи фароз, хушрӯзию пирӯзиҳоро таманно дорам!

Муборак зодрӯзат бошад эй дӯст, Ситора бар сарат гул пошад эй дӯст.

Дӯсти гиромӣ! Туро бо ҷашни фархундаи мавлудат сидқан шодбош мегӯям. Таманнои онро дорам, ки дар таҳсил ва дар зиндагӣ ҳамеша муваффақ бошӣ. Аз Худованд талаб менамоям, ки бароят умри дарозу бахти накӯро арзонӣ дорад. Сарбаланд бош!

Зодрӯзат муборак дӯсти азиз!